VIDEO - Wanaume Waliooana Malawi Watupwa Jela Miaka 14

Wanaume wawili wa nchini Malawi ambao waliiga tamaduni za watu wa magharibi na kuamua kuoana na kufanya sherehe kubwa, wamehukumiwa kwenda jela miaka 14 pamoja na kufanyishwa kazi ngumu.
Akitoa hukumu jaji wa mahakama ya Blantyre, Nyakwawa Usiwa-Usiwa alisema kuwa anatoa hukumu kali ili kuwalinda wananchi na watu wenye tabia kama ya wanaume hao waliooana.

Steven Monjeza, 26, na Tiwonge Chimbalanga, 20, walitupwa jela tangia walipotiwa mbaroni mwezi disemba mwaka jana wakati walipofanya sherehe ya harusi yao.

Kukamatwa kwa Monjeza na “mkewe” Tiwonge Chimbalanga kulisababisha Malawi iingie kwenye mgogoro mkubwa na mataifa ya magharibi ambayo yanatoa msaada kwa Malawi. Uingereza ambayo ndiyo mfadhili mkubwa wa Malawi iliweka wazi kukasirishwa kwake na kesi hiyo lakini haikusitisha misaada yake.

Mahakama ilijaa mamia ya watu na wengine walijaa nje ili kujua hukumu ya Monjeza na mwenzake. Walipotolewa mahakamani kupelekwa jela kuanza kutumikia vifungo vyao, baadhi ya watu walipiga kelele na kuwatupia maneno ya kejeli.

“Mmepata mlichostahili”, “Miaka 14 haitoshi ilibidi mfungwe jela miaka 50”.
Akiongea wakati wa kutoa hukumu, Jaji Usiwa-Usiwa alisema “Nitawapa hukumu ya kutisha ili kuilinda jamii na watu kama nyinyi na iwe mfano kwa wengine”.

Wakili wa washtakiwa aliitaka mahakama itoe adhabu ndogo kwakuwa vitendo vya Monjeza na mwenzake havimdhuru mtu mwingine yeyote.

“Ni watu wawili watu wazima ambao wanafanya mambo yao kwa siri. Hakuna mtu atakayedhurika iwapo wataruhusiwa kurudi kwenye jamii”, alisema wakili huyo.

Nayo taasisi ya kutetea haki za binadamu ya Cedep ya nchini Malawi, ilisema kuwa leo ni siku mbaya sana kwa Malawi.

“Inakuwaje wafungwe miaka 14 eti kwakuwa wanapendana? Hata kama wakifungwa jela miaka 20 jinsia zao haziwezi kubadilika”, mwanaharakati wa taasisi hiyo.

Jaji Usiwa-Usiwa alisema kuwa wanaume hao hawakuonyesha dalili yoyote ya kujutia tabia yao mbaya ya Sodoma na Gomora.

Wakati huo huo Marekani imelaani hukumu iliyotolewa na imesema kuwa hukumu hiyo ni hatua moja nyuma katika kulinda haki za binadamu.

Chini ni VIDEO ya Monjeza na mkewe mahakamani jana.


VIDEO - Wanaume Waliooana Malawi Watupwa Jela Miaka 14

Ajisalimisha polisi baada ya kutupa mtoto

JESHI la Polisi Mkoani Pwani, linamshikilia Eliza Mwalongo [20] aliyetupa kichanga mwenye umri wa siku tano mwishoni mwa wiki iliyopita huko Kibaha Kwa Mfipa.
Msichana huyo alitupa kichanga hicho njiani Mei 14 , mwaka huu, majira ya saa 12 asubuhi, na kumfunika kwa majani na miba na kilionekena na wapita njia waliopita katika njia hiyo na kutoa taarifa kituo cha polisi.

Baada ya kupatikana kwa taarifa hiyo kituo cha polisi msichana huyo aliamua kujisalimisha mwenyewe katika ofisi ya Serikali ya Mtaa wa Kwa Mfipa na baadae kupelekwa kituoni kwa mahojiano zaidi.

Kamanda wa Polisi wa Mkoa wa Pwani, Bw. Absaloom Mwakyoma amesema msichana huyo anahojiwa na baadaye atapelekwa kwa daktari ili akapimwe akili zake kama ziko sawasawa na mara baada ya uchunguzi msichana huyo atafikishwa mahakamani.

Msichana huyo alikuwa ni msichana wa kazi za ndani kwa Meja Mstaafu Lekule ambaye alikuwa akimfanyia kazi za mstaafu huyo lakini alikuwa akiishi kwake.

Kamanda alisema msichana huyo alitokea nyumbani kwao Iringa kuja kutafuta maisha ambapo tayari alishakuwa na mtoto mmoja ambaye alitengana na baba yake baada ya ugumu wa maisha ndipo alipokuja huku na kukutana na mwanaume aliyemzalisha na kuishi nae lakini alimkataa baada ya kuzaa mtoto huyo.
.
Kamanda Mwakyoma amesema kuwa, alipoulizwa ni kwa nini aliamua kufanya kitendo hicho alijitetea kuwa alifikia uamuzi huo kutokana na ugumu wa maisha unaomkabili kwa kuwa alikataliwa na mwanaume aliyemzalisha mtoto huyo.

Pia alisema asingeweza kumuhudumia mtoto huyo kwa kuwa tayari ana mtoto mwingine mdogo mwenye umri wa mwaka mmoja na nusu na hakuwa na ndugu yoyote wa kumsaidia.

Kichanga hicho cha kiume kilizaliwa Mei 10, mwaka huu, na kimechukuliwa na hospitali ya Tumbi na kinaendelea vizuri.

MTOTO YATIMA AJARIBU KULIPUA UBALOZI WA MAREKANI DAR

MWANAFUNZI Nassib [16] anayekabiliwa na tuhuma za kutaka kujaribu kulipua ubalozi wa Marekani jijini Dar es Salaam uchunguzi umebaini kuwa ni yatima anaishi na shangazi yake Kinondoni Moscow.
Habari hizo za uhakika kutoka ndani ya jeshi la polisi, zimebaini hilo na mwanafunzi huyo anaishi na shangazi yake aitwae Chiku Simba baada ya wazazi wake kufariki.

Imefahamika kuwa mtandao wa kigaidi wa Al Qaeda umekuwa ukitumia watoto yatima, watoto wa mitaani na wajane kuwatumia kufanya vitendo vya ugaidi.

Hata hivyo shangazi yake alishangaa kutokana na kitendo hicho na alisema ameshitushwa na taarifa alizozipata kutoka kwenye vyombo vya habari kwa kuwa mtoto wake huyo hakuwa na vitendo vya kihuni na vya ajabu na majirani walithibitisha kuwa mwanafunzi huyo alikuwa ni mkarimu na hakuwa mtu wa makundi na hana tabia ya kukaa vijiweni.

Hata hivyo kati ya wanafunzi nane waliokamatwa juzi na maafisa wa polisi waliounganishwa katika tuhuma hizo saba wameachiwa huru na mmoja ambaye ni Amani Thomas anaendelea kushikiliwa kwa kuwa yeye ndiye aliongozana na Nassib hadi katika jengo hilo la ubalozi .

ATAKA TAKA KISA ATAKA KUPIGWA NA MME WAKE

Mwanamke mmoja nchini Iran amemfikisha mumewe mahakamani akidai talaka kwakuwa mume wake hajawahi kumpiga hata siku moja.
Mwanamke huyo mwenye umri wa miaka 24 [jina kapuni] alifungua kesi katika mahakama ya masuala ya familia mjini Tehran akilalamika kuwa mumewe hampigi hivyo anataka apewe talaka.

Kwa mujibu wa gazeti moja la kila siku la nchini Iran, mwanamke huyo aliiambia mahakama "Mume wangu ananitumikia na kunitunza vizuri sana lakini mimi nataka awe ananipiga, kama hawezi basi naomba anipe talaka yangu".

Mume wake ambaye ana umri wa miaka 28 alijitetea mahakamani "Mke wangu nampenda sana, sioni sababu ya kumpiga au kutumia maguvu dhidi yake".

Kwakuwa mwanamke huyo alisisitiza kuwa anataka awe anapigwa na mumewe au la apewe talaka, mahakama ilimruhusu mumewe awe anamshushia kipigo mkewe siku moja moja ili kuilinda ndoa yake.

Mumewe kwa shingo upande alikubali na aliahidi kuwa atakuwa akimshushia kipigo mkewe ili kumridhisha.

VIDEO - Panya Ndani ya Ikulu ya Obama

Hotuba ya Rais Barack Obama wa Marekani iliingiliwa na kitu asichokitegemea baada ya panya kukatiza mbele yake wakati akitoa hotuba ndani ya ikulu ya Marekani.
Rais Barack Obama alikuwa akitoa hotuba kwenye bustani maarufu ya Rose Garden iliyopo mbele ya ikulu wakati panya alipojitokeza na kukatiza mbele yake toka upande mmoja kwenye upande mwingine.

Wapiga picha waliokuwepo eneo la tukio hawakupitwa na panya huyo na walifanikiwa kuchukua taswira wakati kiumbe hicho kilipokuwa kikipita mbele ya mkuu wa taifa kubwa duniani.

Haijajulikana kama rais Obama alimuona panya huyo au la kwani alielendelea na hotuba yake bila kutetereka.

Taarifa zinasema kwamba panya huyo alionekana pia akipiga misele kabla ya Obama hajaanza kutoa hotuba yake.

Chini ni VIDEO ya tukio hilo.


VIDEO - Panya Ndani ya Ikulu ya Obama

ATUPWA JELA MAISHA YAKE YOTE BAADA KUMPASUA TUMBO MWANAMKE MWEZIE KWA LENGO LA KUCHUKUA KICHANGA

Mwanamke wa nchini Marekani ambaye alimlaghai mwanamke mjamzito na kumpeleka nyumbani kwake kabla ya kulipasua tumbo lake kwa kisu kwa nia ya kuiba kichanga chake, amehukumiwa kifungo cha maisha jela.
Mwanamke wa nchini Marekani ambaye alikuwa na shauku ya muda mrefu ya kuwa na mtoto, amehukumiwa kwenda jela maisha baada ya kuiba kichanga toka kwenye tumbo la mwanamke mjamzito.

Andrea Curry-Demus, 40, alipatikana na hatia ya kumuua mwanamke mjamzito Kia Johnson, 18 baada ya kulipasua tumbo lake na kisha kuiba kichanga kilichokuwa tumboni mwake na kujifanya yeye ndiye aliyejifungua kichanga hicho.

Curry-Demus akisomewa hukumu yake aliigeukia familia ya Kia na kuwaambia "Naomba mnisamehe".

"Naiomba radhi familia yake", alisema Curry-Demus kabla ya kumgeukia jaji na kusema "Nimekosa".

Mama yake Kia, Darlene Lee, aliridhishwa na hukumu iliyotolewa ya kifungo cha maisha jela akisema kuwa hakutaka Curry-Demus ahukumiwe adhabu ya kifo kwakuwa anataka ateseke kwa uovu alioufanya.

"Nataka ateseke na aione sura ya mwanangu kila siku anapoamka, afikirie kitendo alichofanya".

Hili si tukio la kwanza la Curry-Demus kujaribu kuiba kichanga toka kwenye tumbo la mwanamke mjamzito, miaka 20 iliyopita, Curry-Demus alihukumiwa kwenda jela miaka 10 baada ya kumchoma na kisu tumboni mwanamke mjamzito akiwa
na nia ya kulipasua tumbo lake na kuiba kichanga chake.

Katika tukio la hivi karibuni Curry-Demus aliiongopea familia yake kuwa yeye ni mjamzito baada ya kumlaghai Kia na kujifanya rafiki yake.

Alikuwa akitamba kwa marafiki zake kuwa yeye ni mjamzito akiwaonyesha picha ya Ultrasound aliyoiiba toka kwa Kia na kisha kuibandika jina lake.

Baada ya kutimiza azma yake ya kuiba kichanga cha Kia, aliiambia familia yake kuwa amejifungua mtoto kabla ya muda wake ingawa vipimo vya hospitali havikuonyesha kama aliwahi kuwa mjamzito.

Alitiwa mbaroni baada ya maiti ya Kia kugundulika nyumbani kwake baada ya majirani kulalamikia harufu kali toka nyumbani kwake.

Kichanga alichokiiba kilinusurika maisha yake na kiliwahishwa hospitali kwa matibabu zaidi.

VIDEO YA BIBI KIZEE ALIYE MALIZA ELIMU YAKE AKIWA NA MIAKA 94

Elimu haina mwisho wala umri, hivyo ndivyo alivyothibitisha bibi wa Marekani mwenye umri wa miaka 94 mwenye wajukuu na vitukuu 41 ambaye mwishoni mwa wiki alisherehekea kumaliza elimu ya shahada ya kwanza na kuwa kikongwe wa pili duniani kumaliza elimu ya juu.
Bibi Hazel Soares, mwenye umri wa miaka 94 wa Oakland, Marekani alikuwa miongoni mwa wanafunzi 500 waliotunukiwa shahada mbalimbali za chuo kikuu.

"Imenichukua muda mrefu sana kumaliza digrii kwakuwa nilikuwa bize sana kwenye maisha yangu",alisema Soares ambaye sasa anamiliki digrii ya Art history.

Soares, ana watoto sita na wajukuu na vitukuu wapatao 40, anashika nafasi ya pili duniani kwa kumaliza digrii akiwa na umri mkubwa sana.

Nola Ochs wa Kansas ndiye anayeshikilia rekodi ya kumaliza digrii akiwa na umri mkubwa kuliko watu wote duniani. Alitunukiwa digrii miaka mitatu iliyopita baada ya kumaliza masomo yake kwenye chuo kikuu cha Fort Hays State University wakati huo akiwa na umri wa miaka 95.

Chini ni VIDEO ya bibi Hazel siku alipomaliza masomo yake.

ASKARI POLISI 5 WA KITUO CHA OYSTERBAY MBARONI KWA KUUA

ASKARI polisi watano wa Kituo cha Oysterbay cha jijini Dar es Salaam, wametiwa mbaroni kwa kuhusishwa na kifo cha Octavian Kashita (38) kilichotokea Jumapili wiki iiyopita aliyedaiwa kuhusika katika tukio la utekaji
Askari hao wamekamatwa na jeshi la polisi nchini wakituhumiwa kusababisha kifo cha raia huyo katika mapambano dhidi yao.

Akizungumzia tukio hilo, Kamanda wa Polisi wa Kanda Maalum ya Dar es Salaam, Suleiman Kova, alisema kuwa, tukio hilo la mauaji lilitokea juzi katika eneo la Victoria katika nyumba za serikali.

Alisema, polisi hao walikwenda eneo la tukio majira ya saa 1:00 jioni baada ya kupata taarifa kutoka kwa dada wa Bariki aitwae Sia Minja za kutekwa nyara kwa mtu aliyetajwa kwa jina la Bariki Minja.

Kova alieleza kuwa walipofika eneo hilo la tukio walipoelekezwa na huyo dada, waliliona gari aina ya Toyota Prado lenye namba za usajili T 864 BHC ambalo ndilo lililodaiwa kutumiwa na watekaji nyara hao na lkufanikiwa kuwakamata vijana wannne waliosadikiwea kuhusika na tukio hilo.

Alisema walipofanikiwa kuwakamata vijana hao walianza kuwahoji na katika gari hilo walimkuta mateka akiwa ndani ya gari hilo akiwa na watuhumiwa.

Alisema katika mahojiano hayo kulizuka vurugu kubwa kati ya polisi na watuhumiwa hao, na kutokana na vurugu hizo polisi mmoja alifyatua risasi na kumpata mtuhumiwa Octavian na kupoteza maisha papo hapo.

Kamanda Kova alieleza kuwa, katika uchunguzi wa awali uliofanywa na jeshi hilo ulibaini kuwa chanzo cha tukio hilo la utekaji nyara ni ugomvi wa muda mrefu wa kifamilia kati ya familia ya Bariki na familia ya Martha Makishe ambaye ni mzazi mwenzake ambapo walizaa mtoto mmoja.

Uchunguzi huo ulibaini mzozo huo wa kifamilia umefikia kufunguliwa kwa kesi ya madai namba 31 ya mwaka huu, katika Mahakama ya Kinondoni ambapo shauri hilo linahusisha ugomvi kati yao wawili kumtunza mtoto wao aitwaje Kinsley Bariki.

Hata hivyo Kamanda Kova alipotakiwa kutaja majina ya watuhumiwa hao wengine alisema majina hayo hayatwekwa wazi sasa kwa sababu za kipolisi na inaweza ikavuruga upelelezi.

Hata hivyo ilidaiwa katika watuhumiwa hao wanne yumo mwanafamilia ambaye inadaiwa ni mtoto wa Waziri wa Nchi Ofisi ya Waziri Mkuu (Tamisemi), Celina Kombani lakini Kamanda Kova hakuthibitisha hilo na kusema ni mwanafamilia tu kutoka katika familia hiyo ya waziri.

AMUUA MKEWE KISHA KUILA NYAMA YAKE

Mwanaume mmoja wa nchini Marekani amehukumiwa kwenda jela miaka 15 baada ya kumuua mkewe kwa kumchoma choma na kisu mara 250 na kisha kula nyama za mapafu yake kabla ya kunywa damu yake mbele ya mtoto wake wa miaka minne.
Mohammad Solaiman alihukumiwa kwenda jela kati ya miaka 15 na kifungo cha maisha kwa kumuua kikatili mkewe Shahida Sultanna ndani ya nyumba yao mjini New York katika tukio lililotokea mwaka 2007.

Binti yao mwenye umri wa miaka minne alikuwa chumba cha pili wakati baba yake alipokuwa akimuua mama yake na alishuhudia kitendo cha baba yake akinywa damu ya mama yake.

"Alichukua maini na mapafu yake na kuyatafuna", alisema dada wa marehemu na kuongeza "Alikunywa damu yake, binti yake ameniambia".

Wakili wa Solaiman, John Scarpa alikanusha madai ya Solaiman kumgeuza asusa mkewe ingawa alikubali kumuua mkewe.

Wakili huyo aliendelea kusema kuwa Solaiman alikuwa akipigwa na kunyanywaswa sana na mkewe na hiyo ndio sababu iliyompelekea kufanya mauaji.

Akitoa hukumu ya kesi hiyo, jaji Richard Buchter alisema kuwa faili la mshtakiwa halikusema chochote kama alikuwa akinyanywaswa na mkewe.

"Tunachojua ni kwamba, mshtakiwa alimchoma na kisu mkewe usoni, shingoni, tumboni, mgomgoni na kwenye maeneo yake ya siri", jaji Buchter alisema.

"Kuthibitisha kitendo chake cha kikatili alimuonyesha binti yake wa miaka minne mabaki ya mwili wa mama yake", aliongeza jaji Buchter.

Solaiman alihukumiwa kwenda jela kati ya kifungo cha miaka 15 na kifungo cha maisha baada ya kukiri kufanya mauaji hayo.

AFARIKI DUNIA BAADA YA KUIONA MAITI YA AJALI YA NDEGE LIBYA

Afisa mmoja wa Libya amefariki baada ya kuona maiti za ajali ya ndege wakati alipokimbilia kwenye eneo la tukio kutoa msaada.
Afisa huyo ambaye ni mlinzi kwenye uwanja wa ndege alifariki baada ya kuona maiti za watu 102 waliokuwemo kwenye ndege ya Libya ambayo ililipuka wakati wa kutua kwenye uwanja wa ndege wa Tripoli.

Taarifa zinasema kuwa mlinzi huyo alikimbilia kwenye eneo la ajali kwa nia ya kutoa msaada lakini alipofika na kuziona maiti zikiwa zimezagaa kila kona ugonjwa wake wa kisukari ulimzidia na hapo hapo aliiaga dunia.

Taarifa zaidi kuhusiana na kifo chake hazikutolewa ingawa taarifa zilisema kuwa mlinzi huyo alikuwa ni mzee.

Wakati huo huo mtu pekee aliyenusurika kwenye ajali hiyo mtoto wa kiume mwenye umri wa miaka tisa, Ruben, amesafirishwa leo kurudishwa kwao Uholanzi.

Ruben alikuwa na baba yake, mama yake pamoja na kaka yake mwenye umri wa miaka 11 kwenye ndege hiyo lakini wote walifariki kwenye ajali hiyo.

Ruben na wazazi wake pamoja na kaka yake walikuwa likizo nchini Afrika Kusini kusherehekea ndoa ya wazazi wake kutimiza mwaka mmoja.

Shangazi na mjomba wake toka Uholanzi walikimbilia mjini Tripoli kuwa karibu na mtoto huyo ambaye alikuwa akipatiwa matibabu kutokana na majeraha kadhaa kwenye miguu yake.

Mtoto huyo ameishaambiwa na shangazi yake kuwa wazazi wake na kaka yake wamefariki kwenye ajali hiyo mbaya ya ndege.

AITELEKEZA FAMILIA YAKE BAADA YA KUFANYIWA LIMBWATA NA MTOTO WA KITANGA

MWANAUME mmoja [40] [jina kapuni] mkazi wa Mabibo Jeshini ,amekiri kuwa amefanyiwa mambo anayohisi ni ya kumpumbaza akili na kujikuta akikimbia familia yake na kuhamia kwa msichana mwenye asili ya kitanga bila kujitambua.
Akiongea na mwandishi wa habari hii kwenye mazungumzo ya urafiki, amekiri kuwa inawezekana amefanyiwa kitu mbaya na msichana ambaye hakumtaja jina na kumsahau mke wake na watoto na kwenda kuhamia kwa dada huyo.

Alidai kuwa alipoanza urafiki na dada huyo miezi minane nyuma alikuwa yupo katika hali ya kawaida, lakini ipipotimia kiezi mitano ya urafiki wao alijikuta akiingia katika penzi zito na dada huyo hali ambayo ilimfanya aanze kusahau kidogokidogo familia yake bila kujitambua.

Alidai kuwa alikuwa akienda kwa dada huyo na kuchelewa kurudi nyumbani kwake, mara alijikuta akishindwa kurudi kabisa nyumbani kwake na kulala hukohuko na kumpigia mke wake simu kuwa alikuwa yuko bize kazini na kurudi kesho yake.

Alisema mbaya zaidi alijiona kama yuko tofauti na kuanza kumuona mke wake kama mtu wa kawaida na kumuona dada huyo kama ni mke wake na kuona kamda kitu cha kawaida.

Kutokana na hali hiyo ya kuzidi kusahau familia yake alidai mke wake alikwenda kuripoti kwa ndugu zake yeye na kuulizwa na kukana kuwa si kweli.

Hivyo kadri siku zilivyozidi kwenda hali ndiyo ilizidi kuongezeka ya kusahau familia yake na mke wake kuwataka baadhi ya ya shemeji zake wafike nyumbani kwake walale ili wathibitishe maneno ambayo alikuwa akiwaambia ya kuwa mume wake alikuwa harudi nyumbani.

Shemeji zake hao walithibitisha tukio hilo na kuanza kulifanyia kazi susala hilo na kumfatilia ndugu yao huyo na kugundua kuwa alikuwa akizuzuliwa na mwanamke huyo.

KWa kuwa alikuwa hajitambui ilibidi ndugu hao wamkanye na kumtaka aachane na mwanamke huyo nay eye kukiri ni kweli alikuwa na mahusiano na huyo dada na kuwambia alikuwa anatamani aondokane na hali hiyo lakini alikuwa anashindwa kujinasua kuachana na huyo dada.

“yaani rafiki yangu inawezekana nimeshalishwa limbwata na yule dada kama watu wanavyosema, yaani nimefikia hatua sirudi nyumbani kwangu hii kali? Alisema kaka huyo kwenye mazungumzo na mwandishi wa habari hii

“Na sitamani kumuacha, nimewaambia ndugu zangu mwenye kujua dawa ya kunifanya nirudi nyumbani kwangu anitafutie anipe ili nisisahau kurudi nyumbani kwangu nikienda kwa yule dada, nampenda mkewangu ila ndio hali imenikuta hii” alidai

WATU WATANO WAFARIKI BAADA YA LORI KUTEKETEA KWA MOTO

WATU watano wamefariki dunia baada ya malori mawili yaliyokuwa yamebeba mafuta na betri kulipuka baada ya kugongana huko eneo la Vigwaza Kibaoni mkoni Pwani.
Ajali hiyo mbaya iliyosabaabisha mafgari matatu kuwaka moto na kutekekteza watu hao ilitokea jana katika barabara ya Morogoro, majira ya saa 8 usiku.

Katika eneo la tukio ilidaiwa lori la mafuta lililigonga kwa nyuma gari jingine lililokuwa limeegeshwa pembeni ya barabara kwa ajili ya matengenezo na kusababisha moto mkubwa kuwaka hapo.

Kamanda wa polisi mkoani Pwani, Absaloom Mwakyoma alisema ajali hiyo ilihusisha malori mawili aina ya Scania, moja ambalo lilikuwa na trela na ambalo lilibeba mafuta liligonga kwa nyuma lori ambalo lilikuwa limesheheni mzigo wa betri za redio mali ya Said Daniel, mfanyabishara wa Lubumbashi, Jamhuri ya Kidemokrasia ya Congo (DRC).

Alisema wakati moto huo unalipuka chini ya lori alikuwepo utingo wa gari ambalo lilikuwa katika matengenezo Omary Mumbi, mkazi wa Buguruni, alikuwepo dereva wa gari hilo Adam Amulike[ 35], mkazi wa Temeke na dereva mwingine aliyefika kusaidia kutengeneza gari hilo na wote hao waliteketea kwa moto huo

Pia katika ajali hiyo ulimuunguza dereva na utingo wa lori lililosababisha ajali, ambao majina yao hayakuweza kupatikana wote waliteketea kabisa wakiwa ndani ya gari lao.

Alisema wakati moto huo unaendelea kuwaka magari yalisimama na kutoendela na safari lakini lori jingine aina ya Scania lililokuwa na trela lenye tanki ambalo halikuwa na mafuta lilifanya ubinshi kujaribu kupita eneo hilo na baadae kushindwa kuendela na safari baada ya moto kushika kwenye gari hilo na matairi matano ya upande wa kulia kuungua.

MWANAMKE ALIYE WAUA WATOTO WAKE AFIKISHWA MAHAKAMANI

MWANAMKE Benedicto Thadei [44] anayedaiwa kuwaua watoto wake watatu kwa kutumia shoka jana alifikishwa katika mahakama ya mjini Moshi kujibu mashitaka matatu ya mauaji ya kukusudia.
Mwanamke huyo alifikishwa katika mahakama hiyo akiwa chini ya ulinzi polisi na kusomewa mashitaka yake mbele ya hakimu Mfawidhi Simon Kobero wa Mkoa wa Kilimanjaro.


Kwa upande wa mashitaka uliongozwa na Wakili wa serikali, Abdalah Chavulla,alidai kuwa Aprili 29 mwaka huu, majira ya saa 1:30 asubuhi, mshitakiwa aliwaua watoto wake Rose Thadei [12] Noel Thadei[5] na Anthony Thadei mwenye umri wa miaka miwili na nusu na .


Alisai kosa hilo ni kinyumecha sheria cha kifungu namba 196 cha kanuni ya adhabu ambacho kinataja adhabu ni kunyongwa hadi kufa iwapo mshtakiwa atapatikana na hatia.



Hata hivyo mshitakiwa huyo hakutakiwa kujibu chochote mahakamani hapo kama ni kweli alihusika ama la, kwa kuwa mahakama hiyo haina mamlaka ya kusikiliza mashitaka ya mauaji na kutakiwa kwenda kujibu mashitaka hayo Mahakama Kuu pindi utaratibu wa kimahakama utakapokamilika.


Ilidaiwa na Chavula kuwa wakati mama huyo anafikishwa mahakmani hapo mtoto wake aliyemjeruhi Paschal Thadei[ 9], ambaye ni mwanafunzi wa darasa la pili alikuwa amelazwa chumba cha wagonjwa mahuti katika Hospitali ya Rufaa ya KCMC na tayari madaktari wea hopspitali hiyo walilazika kumfanyia upasuaji wa kichwa kutokana na majeraha mabaya aliyoyapata wakati wa tukio.

Kesi hiyo imepangwa tena kurudishwa mahakamani hapo Mei 19, mwaka huu, kwa kutajwa.

VIDEO YA GAIDI WA NIGERIA FAROUK ABDULMUTALLAN AKIFANYA MAZOEZI YATOLEWA

Video imetolewa ikimuonyesha mwanafunzi wa Nigeria anayetuhumiwa kujaribu kuilipua ndege ya Marekani siku ya krismasi, akifanya mazoezi na wenzake kwenye kambi ya Al-Qaeda nchini Yemen.
Video hiyo inamuonyesha Umar Farouk Abdulmutallab na wanaume wengine wakifanya mazoezi ya kulenga shabaha kwenye kambi ya kundi la Al-Qaeda nchini Yemen linalojulikana kama "Agap".

Umar anakabiliwa na mashtaka ya kujaribu kuiangusha ndege ya Marekani kwa kutumia mabomu aliyoyaficha kwenye chupi yake.

Jaribio lake lilifeli na Umar alibaki na majeraha ya kuungua na moto kwenye sehemu zake za siri.

Alikanusha madai ya kesi zote alizofunguliwa lakini shirika la ujasusi la Marekani limesema kuwa anaonyesha ushirikiano kwa maafisa wa upelelezi.

Umar mwenye umri wa miaka 23 aliwaambia wapelelezi wa Marekani kuwa alipewa mafunzo nchini Yemen. Alipewa vifaa vyenye uwezo wa kusababisha mlipuko mkubwa na kuambiwa nini anatakiwa afanye.

Umar aliwaonya Wamarekani kuwa mamia ya vijana kama yeye wapo wengi nchini Yemen wakipatiwa mafunzo na wako tayari kufanya mashambulizi wakati wowote.

Katika video iliyotolewa, Umar anaonekana akiwa ameshika bunduki na mwishoni mwa video anaonekana akitoa ujumbe katika lugha ya kiarabu.

Haijajulikana ni lini video hii ilitengenezwa na kama ni feki au la.

Chini VIDEO hiyo.

AMJERUHI MMEWE KISA HARIDHISHWI NA HUDUMA KITANDANI

Mwanamke wa nchini Marekani ambaye hakuridhishwa na pafomansi ya mumewe kitandani anashikiliwa na polisi kwa kumjeruhi mumewe kwa mkasi.
Michelle Thomas, 26, alikamatwa jumanne wiki iliyopita baada ya polisi kuitwa kwenye nyumba yao kwenye majira ya saa saba usiku.

Tukio hilo lilitokea Texas, Marekani wakati Michelle alipokasirishwa na uwezo mdogo ulioonyeshwa na mumewe kitandani siku hiyo.

Mume wa Michelle aliwaambia polisi kuwa Michelle alipatwa na hasira baada ya gemu la malavidavi kuisha bila ya Michelle kuridhishwa kimapenzi.

Alisema kuwa Michelle alichukua mkasi na kuutumia kumkatakata kwenye sehemu mbalimbali za mwili wake.

Polisi walimkuta mume wa Michelle akiwa na majeraha makubwa kifuani, mkononi na miguuni.

Michelle amefunguliwa mashtaka ya kudhuru mwili kwa kutumia silaha hatari ingawa mumewe hakutaka kufungua kesi dhidi yake, liliripoti gazeti la Lufkin Daily News.

Michelle huenda akatupwa jela miaka 20 iwapo atapatikana na hatia.

VIDEO YA WATU KUKAA UCHI ETI NI SANAA HUKO MAJUU

Hii nayo inaitwa sanaa huko majuu, mamia ya watu wanawake kwa wanaume nchini AUSTRALLIA wamejitolea kukaa uchi kwenye sehemu ya hadhara ili kupiga picha za sanaa kwaajili ya jumba la makumbusho.
Katika kusherehekea miaka 10 ya jumba la sanaa la OPHRA mamia ya watu wanawake kwa wanaume walikusanyika kwenye bustani wakiwa uchi wa mnyama kwaajili ya kupiga picha za sanaa.

Mpiga picha wa Kimarekani, Spencer Tunick alifanikiwa kuwakusanya mamia ya watu ambao waliamua kubakia na suti zao walizozaliwa nazo wakipangwa katika staili mbalimbali ili kutengeneza picha za maumbile tofauti tofauti.

Inakadiriwa kuwa watu 5,000 wazee kwa vijana walishiriki katika zoezi hilo.

Angalia video hii chini ujionee mwenyewe hali ilivyokuwa.

KIKWETE: MSIPONIPA KURA WENGINE WATANIPA

Hii ni moja kati ya kauli alizozitoa Rais Kikwete wakati wa hotuba yake aliyoitoa juzi jijini Dar es Salaam alipokuwa akizungumza na wazee kjatika ukumbi wa Diamond Jubilee.
Rais alitoa kauli hiyo baada ya kuonekana kukerwa na viongozi wa Tucta wanaoandaa mgomo nchi nzima.

“ Mgomo huo una lengo la kuongezewa mshahara tu au kuna lingine? Alihoji rais, mimi naona mnataka kuninyima kura zenu, basi kama mmepanga hivyo mninyime tu, wengine watanipa” alisema Rais

“Mana sitaki kuwaongopea kuwa tutalipa kima hicho kama mnataka kugoma na mshahara huo kama hatutawapa basi, ninyimeni kura zenu wengine watanipigia” alisema

Pia aliwasihi wafanyakazi hao atakayegoma atakuwa amejifukuzisha kazi na kukosa haki yake ya msingi katika miaka yake aliyoitumika serikali.

Pia alisema kwa yeyote atakayefika kazini na akae na asiendelee na kazi pia atakuwa amejifukuzisha mwenyewe na hakutakuwa na msamaha na atakayethubutu kuandamana sheria itafata mkondo wake.

UTARATIBU MPYA WA KUOMBA VISA YA MAREKANI

UBALOZI wa Marekani nchini umetoa utaratibu wa maombi ya viza kwa kutumia fomu mpya za DS -160 kwa ajili ya maombi ya muda mfupi utakaoanza kutumika Mei 31, mwaka huu.
Taarifa ya balozi hiyo iliyotolewa kwenye vyombo vya habari, ilieleza kuwa waombaji wote wa viza za muda mfupi watatakiwa kujaza fomu za DS-160 zitakazopatikana kwa njia ya mtandao.

Ilisema waombaji wote wanashauriwa kuanza kutumia fomu hizo mpya bila kuchelewa ili waweze kupata viza zao.

Taarifa hiyo ilielezea kuwa Idara ya Uhamiaji na Wizara ya Mambo ya Nje ya Marekani, imeboresha fomu za DS-160 kwa waombaji wote wa viza za muda mfupi (NIV) ili kuleta mabadiliko katika fomu zinazopatikana kwenye mtandao (EVAF).

Taarifa hiyo ilisema kwua tofauti inayopatikana kwenye fomu za DS-160 ipo kwenye hatua ya kwanza ya maombi ambapo wanatakiwa kujaza kupitia mtandao.

Tovuti ambayo utaweza kupata fomu za DS-160 kwa maelezo ya hatua kwa hatua ni http://www.tanzania.usembassy.gov au wataweza kuwasiliana na Idara ya Uhamiaji kwa barua pepe: drsniv@state.gov ama kutembelea katika ofisi za balozi.

RAIS WA NIGERIA AFARIKI DUNIA

Rais wa Nigeria Umaru Yar'Adua pichani amefariki dunia Thursday, May 06, 2010 3:48 AM
Rais wa Nigeria, Alhaji Umaru Yar'Adua ambaye kiti chake cha urais kimekuwa kikikaliwa na makamu wake kwa miezi kadhaa sasa baada ya rais huyo kuugua ugonjwa wa moyo, amefariki dunia akiwa na umri wa miaka 58.
Kwa mujibu wa msemaji wa rais huyo ambaye hakutaka kutaja jina lake wakati akiongea na shirika la habari la BBC, alisema kwamba rais Yar'Adua amefariki dunia jana jumatano ingawa serikali ya Nigeria bado haijatoa taarifa rasmi.

Rais Yar'Adua alichaguliwa kuwa rais mwaka 2007 lakini kutokana na matatizo ya moyo na figo hajaonekana kwa wananchi wake kwa miezi kadhaa.

Baada ya rais huyo kuugua muda mrefu huku akipatiwa matibabu nchini Saudi Arabia, hatimaye makamu wa rais, Goodluck Jonathan aliteuliwa kushikilia nafasi yake mpaka rais huyo atakapopona.

Taarifa zinasema kuwa rais huyo aliiaga dunia jana jumatano kwenye villa lake nchini Nigeria kwenye majira ya kati ya saa tatu na saa nne usiku kwa saa za Tanzania.

Yar'Adua alienda Jeddah, Saudi Arabia kwaajili ya matibabu mwezi Novemba mwaka jana na alitumia miezi mingi sana huko kiasi cha wapinzani wake na viongozi wa zamani wa Nigeria kumshauri ajiuzulu.

Wakati huo Yar'Adua alimkabidhi mikoba ya urais makamu wake, Goodluck Jonathan lakini hata aliporudi toka Saudi Arabia mwezi februari mwaka huu, Goodluck Jonathan aliendelea kukikalia kiti cha urais.

Taarifa zinasema kuwa baada ya kufariki kwa rais Yar'Adua, makamu wake wa rais ataapishwa rasmi kuwa rais katika siku zijazo.

OBAMA NA AGA KHAN WAGUSWA NA MUUNGANO TANZANIA

RAIS Barack Obama wa Marekani na Aga Khan Kiongozi wa wa Ismailia duniani wamemtumia Rais Jakaya Kikwete salamu za pongezi kwa kwa kusherehekea sikukuu ya Muungano iliyoadhimishwa jana nchini kote.

Taarifa iliyotolewa jana na Kurugenzi ya Mawasiliano Ikulu jana ikinukuu taarifa ya ubalozi wa Marekani hapa nchini ilielezea kuwa salamu hizo kutoka kwa viongozi hao zilitumwa jana.

“Mpendwa Rais, kwa niaba ya watu wa Marekani, nakutumia salamu zangu za dhati kukupongeza wewe na watu wa Tanzania, wakati mnaposherehekea Muungano wa Tanganyika na Zanzibar tarehe 26, April,” ilieleza sehemu hiyo ya taarifa iliyopitia Ubalozi wa Marekani hapa nchini.

“Ni matumaini yangu kwamba miaka ijayo italetea Watu wa Tanzania Amani na mafanikio ya kudumu,” Rais Obama alimueleza Rais Kikwete katika salamu hizo na kuelezea nia yake na matarajio ya baadaye kuwa nchi hizo zitaimarisha mahusiano baina yao.

“Natarajia tutaimarisha na kuwa na mahusiano thabiti baina ya nchi zetu,” salamu za Rais Obama ilieleza.

Naye Kiongozi wa wa Ismailia duniani alimueleza Rais Kikwete furaha yake na kutoa salamu za heri kwa Rais Kikwete na Watanzania wote.

“Wa-Ismailia Imamat na Mtandao wa Maendeleo wa Aga Khan, kwa pamoja tunaahidi kufanya kazi kwa ushirikiano na Serikali ya Tanzania na Jumuiya za Kiraia katika kuchangia katika ukuaji wa nchi na nafasi kwa watu wote wa Taifa,” alieleza na kumshukuru Rais Kikwete kwa ushirikiano wake.

“Tunathamini ushirikiano wako na wa Serikali yako katika kuunga mkono na kutia moyo shughuli za Jumuiya ya Aga Khan,” Salamu za Aga Khan zilielezea.

Jana maelfu ya watu walioenda kushuhudia sherehe za maadhimisho ya Miaka 46 ya Muungano wa Tanganyika na Zanzibar walionyesha hisia zao wakati marais wastaafu, Ali Hassani Mwinyi na Benjamini Mkapa walipoingia.

Umati huo ulilipuka shangwe za kelele na vifijo wakati viongozi hao walipoingia kwenye uwanja huo mkongwe kwa nyakati tofauti kabla ya Rais Jakaya Kikwete kuingia na kuzunguka uwanja mzima akipunga mkono.

Mkapa, ambaye aliongoza serikali ya awamu ya tatu ambayo ilijipatia sifa ya kuinua uchumi na kuboresha miundombinu, ndiye aliyekuwa wa kwanza kuingia uwanjani katika siku hiyo iliyokuwa na jua la vipindi.

Baada ya Mkapa, ambaye aliongoza nchi kwa sera aliyoiita ya "ukweli na uwazi", kuingia uwanjani hapo kwa gari la kifahari aina ya Range Rover (Vogue), kelela za shangwe na vigelegele zililipuka kutoka kwenye umati wa watu.

Mkapa aliyeingia uwanjani hapo majira ya saa 3:15 alipishana kwa takriban dakika 15 na kiongozi wa serikali ya awamu ya pili, Mwinyi ambaye pia aliamsha kelele za shangwe kutoka kwa watu waliohudhuria.

Kama ilivyokuwa kwa Mkapa, Mwinyi ambaye aliingia uwanjani hapo na gari aina ya Toyota Landcruiser (VX) alishangiliwa kwa nguvu tofauti na ilivyokuwa kwa viongozi wa serikali ya sasa, akiwemo Rais Kikwete.

WAALIMU WAWILI WAUAWA KWA RISASI TARANGIRE

WALIMU wawili wa Shule ya Msingi ya Tarangire mkoani Manyara, Joyce Paulo, 30, na Anna Nkya, 24, wameuawa kwa kupigwa risasi na askari wa wanyamapori kutoka Hifadhi ya Taifa ya Tarangire kutokana na kilekilichoelezwa kuwa niugomvi wa mapenzi.

Imeelezwa kuwa askari aliyefanya mauaji hayo alikuwa lindoni kwenye hifadhi hiyo, lakini akaamua kuacha kazi yake na kwenda hadi nje ya hifadhi kutekeleza mauaji hayo ya mtu anayesadikiwa kuwa ni mkewe na mgoni wake.

Tukio hilo la aina yake lilitokea juzi saa 3:00 usiku eneo la Tarangire lililo kwenye Kata ya Ngaiti baada askari huyo, ambaye ametajwa kuwa ni Paulo Keregesi kuvamia nyumba waliokuwa wanaishi walimu hao na kuwamiminia risasi zilizokatisha maisha yao.

Diwani wa Kata ya Ngaiti inayopakana na hifadhi hiyo, Olais Ole Koine alisema kabla ya mauaji hayo, Keregesi alikuwa ametengana na mkewe Joyce, ambaye mwalimu na ambaye amezaa naye watoto wawili.

Diwani huyo alisema taarifa ambazo wamepata mara baada ya mauaji hayo zinaeleza kuwa askari huyo na mkewe Joyce ambao wote ni wenyeji wa mkoani Mara walikuwa na ugomvi kwa takriban miezi miwili iliyopita.

Alisema, hata hivyo, walikwenda nyumbani kwao kusuluhishwa lakini waliporudi mwanamke huyo hakurejea kwa mumewe anayeishi ndani ya hifadhi hiyo na akaamua kuishi na mwalimu mwenzake nje ya hifadhi hiyo.

"Baada ya hali hiyo ndio juzi majira ya saa 3:00 usiku askari huyo aliyekuwa lindoni na silaha alivamia nyumba ya walimu na kwa kupitia dirishani aliwapiga risasi na wakafariki papo hapo na baadaye akatoweka," alisema Diwani Koine.

Alisema wamepata taarifa kuwa askari huyo aliyekuwa na bunduki aina ya AK 47 aliiterekeza eneo la Mdori na kukimbia na baadaye alituma ujumbe mfupi wa simu kueleza kuwa anahusika na mauaji hayo na kwamba ameiacha pikipiki mjini Babati.

"Muda huu tunajiandaa kuja Arusha ili kupanga taratibu za kusafirisha marehemu kwani Mwalimu Nkya ni mwenyeji wa Machame na Joyce ni mwenyeji wa Serengeti," alisema Diwani Koine.

Polisi mkoani Manyara wamethibitisha kupokea taarifa za tukio hilo na wanamsaka askari huyo. Mkuu wa hifadhi ya Tarangire, Erastus Lufungulo, ambaye kwa sasa yupo likizo, pia amethibitisha kupata taarifa za mauaji hayo.
"Naomba uwasiliane na mkurugenzi mkuu wa Tanapa kama kuna maelezo mnahitaji kuhusu huyo askari," alisema Lufungulo.

Hata hivyo, meneja uhusiano wa Tanapa, Pascal Shelutete alisema jana kuwa bado hawajapata taarifa kamili za tukio hilo na aliomba kupewa muda zaidi ili atoe maelezo zaidi.

ZAIDI YA WAFUNGWA 3000 WAACHIWA HURU

RAIS Jakaya Kikwete, ametoa msamaha kwa wafungwa zaidi ya 3,101 waliuokuwa wanatumikia vifungo kwenye magereza mbalimbali nchini.

Rais alitoa msamaha huo jana wakati wa maadhimisho ya miaka 46 ya Muungano wa Tanganyika na Zanzibar katika viwanja vya Uhuru jijini Dar es Salaam.

Wafungwa walionufaika na msahama huo ni waliokuwa wanatumikia vifungo visivyozidi miaka mitano jela, wengine ni wafungwa wenye magonjwa kama ya Ukimwi, kifua kikuu na saratani ambao wanaelekea kuwa katika siku za mwisho za maisha yao, baada ya kuthibitishwa na jopo la wataalamu wea afya ngazi ya wilaya na mkoa.

Wengine ni wazee wenye umri wa miaka 70 na zaidi, wakiwemo wajawazito, wanawake wenye watoto wanaonyonya, walemavu wa mwili na akili pia.

Msamaha huo hautawahusu wafungwa wanaotokana na makundi ya waliohukumiwa kunyongwa, wenye makosa ya kujihusisha na biashara ya dawa za kulevya, kupokea na kutoa rushwa, unyang'anyi wa kutumia silaha, ubakaji, kunajisi, kulawiti na wizi wa magari kwa kutumia silaha.

Wengine ambao hawatanufaika na msamaha huo ni wale waliowapa mimba wanafunzi wa shule za msingi na kusababisha washindwe kuendelea na

NVUA KUBWA YALETA BALAA DAR

JANA jiji la Dar es salaam lilitawaliwa na shida na mapungungufu makubwa katika huduma mbalimbali kutokana na mvua kubwa iliyonyesha siku nzima hali iliyofanya wakazi wa jiji kuteseka kutokana na hali hiyo.
Mbali na kuwa na dmapungufu katika huduma nyingine tofautitofauti shida kubwa zaidi ilikuwa ni upande wa usafiri ambao ulikuwa haupatikani kutokana na mvua hiyo.


NIFAHAMISHE ilishuhudia makundi ya watu yakihaha huku na huku, na yakipita barabarani mithili ya maandamano yakitembea kwa miguuu kurudi majumbani mwao kwa kukoseskana kwea huduma hiyo.


Hali hiyo ilidumu siku nzima katika kila kituo cha mabasi jijini ambapo mabasi yalikuwa hayafiki mjini na wakazi hao kulazimika kurudi kwa miguu majumbani mwao.


Jopo la waandishsi wa nifahamishe nao dhahama hiyo iliwakumba kwa kile kilichowakuta wamefika kituoni Posta majira ya saa 11 ya jioni na hadi ilipofika majira ya saa moja kasorobo hawajapata usafiri na kulazimika watembee kwa miguu kuhamia katika kituo cha nyuma cha Akiba na hali ilikuwa hivyohivyo.

Hali ilivyozidi kuwa tata zaidi waliamua warudi nyuma na kuelekea kituo cha fire ili waweze kupata usafiri na wageuze na mabasi lakini hali hiyo walidumu nayo kwa takribani dakika 45 kituoni hapo bila kuwa na dalili yoyote ya kupata usafiri.

Hiyo ndiyo hali iliyokuwa jana katika jiji la Dar es Salaam kwa wakazi wengi waishio humo wakionekana kurudi kwa miguu kutokana na adha iliyokuwepo

Mapacha Wenye Mguu Mmoja Wanavyowasilimisha Wanakijiji

apacha Pheinbom na Shevoboh wa nchini Cameroon walipozaliwa wakiwa wameungana kuanzia kifuani kushuka chini, wanakijiji waliwaona ni kama mkosi mkubwa kwa jamii lakini baada ya mapacha hao kutenganishwa na madaktari wa Saudi Arabia, mapacha hao wamebadilisha maisha ya wanakijiji na wanakijiji wengi wanabadili dini kuwa waislamu.
Mapacha Pheinbom na Shevoboh walipozaliwa wakiwa wameungana walionekana kama mkosi lakini baada ya kutenganishwa na madaktari wa Saudi Arabia, maisha yao yamebadilika na wamefanikiwa kuwa chachu ya mabadiliko ya maisha katika kijiji chao.

Walipozaliwa wakiwa wameungana kuanzia kifuani kushuka chini, madaktari wa uzazi katika hospitali ya Babanki Tungo, kaskazini magharibi mwa Cameroon waliikimbia Hospitali kutokana na mshtuko wa uzazi huo wa aina yake kijijini hapo.

Baadhi ya wanakijiji waliamini kuwa watoto hao ni adhabu toka kwa mungu kwa baba wa watoto hao ambaye alikuwa na wake wawili na jumla ya watoto 13.

Wanakijiji wengine waliamini kuwa watoto hao ni fimbo ya adhabu kwa kijiji kizima kwani siku chache baada ya kuzaliwa kwa watoto hao mkuu wa kijadi wa kijiji hicho aliuliwa kwa kuchomwa moto akiwa hai na wanakijiji wenye hasira.

Hali ilibadilika baada ya mfalme wa Saudia kukubali kulipa gharama za kuwatenganisha watoto hao mapacha wa kike.

Baada ya operesheni ya masaa 16 iliyofanyika nchini Saudia, madaktari walifanikiwa kuwatenganisha mapacha hao na hivi sasa kila mmoja ana tumbo lake mwenyewe isipokuwa wamebaki na mguu mmoja mmoja.

Ikiwa ni miaka mitatu tangia operesheni hiyo ilipofanyika, mapacha hao wanajiandaa kwenda tena Saudi Arabia kufundishwa jinsi ya kutumia miguu ya bandia kutembea kama watu wengine.

Kijiji cha Babanki Tungo awali kilikuwa ni kijiji kilichojaa waumini wengi wa kikristo lakini hivi sasa hali imebadika baada ya serikali ya Saudi Arabia kuamua kujenga hospitali, shule ya msingi, shule ya chekechea pamoja na kituo cha kiislamu kwenye kijiji hicho.

Wazazi wa mapacha hao ndio waliokuwa wa kwanza kubadili dini na wamekuwa mstari wa mbele katika kutoa mafundisho ya dini ya waislamu yaliyopelekea kusilimu kwa wanakijiji wengi.

Wazee wa kijiji wanahofia kuwa kijiji hicho ambacho awali kilikuwa ni cha kikristo kidogo kidogo kinaanza kubadilika kuwa kijiji cha kiislamu.

Baba wa mapacha hao ambaye awali alikuwa akiitwa Ngong James Akumbu, hivi sasa anaitwa "Abdallah", wakati mama yao aliyeitwa Emerencia hivi sasa anaitwa "Aisha".

"Kabla ya shule kufunguliwa, nilikuwa sina kazi, nilikuwa na wapenzi wengi na nilikuwa mlevi", alisema mwalimu Kum Edwin ambaye naye amebadili dini na hivi sasa anaitwa "Abdallah Wagf".

"Hivi sasa sinywi tena pombe na nimeamua kutafuta mwanamke wa kuoa kwasababu kuwa na wapenzi wengi si tabia nzuri", aliongeza mwalimu Edwin.

"Hivi sasa watu wa kijiji cha Babanki Tungo wanawaona mapacha Pheinbom na Shevoboh kama baraka toka kwa mungu na sio mkosi kama tulivyofikiria awali", alimalizia kusema mwalimu Edwin.

KORTINI KWA UTAPELI ETI WANAO UWEZO WA KUMFUFUA MTU

WAKAZI wawili wa Jiji la Dar es Salaam, wamepandishwa kizimbani wakikabiliwa na tuhuma za kujipatia fedha kwa njia ya udanganyifu baada ya kudai wana uwezo wa kumfufua mtoto aliyekufa na kudai hakufa kihalali.
Watuhumiwa hao walifikishwa katika Mahakama ya Wilaya ya Kinondoni jana, na kusomewa mashtaka na mwendesha mashtaka wa Polisi, Nassoro Sisiwaya mbele ya Hakimu Suzane Kihawa wa mahakama hiyo.

Sisiwaya alidai kuwa, watuhumiwa wote kwa pamoja walijipatia fedha taslimu za kitanzania Shilingi milion 3.6 kutoka kwa Amina Juma kwa makubaliano kwamba wana uwezo wa kumfufulia mtoto aliyekufa wa mlalamikaji huyo.

Alidai kuwa washtakiwa hao walitenda kosa hilo, Mei 5 mwaka jana katika eneo la Kimara Baruti na kwamba walidai wana uwezo wa nguvu za kichawi za kuweza kumfufua marehemu huyo na kumrudisha akiwa hai.

Washtakiwa hao ni Shabani Juma (46), mkazi wa Tandale kwa Tumbo ambaye ni mganga wa jadi na Godfrey Zakaria (26) mkazi wa Tandale fundi wa umeme wa magari wote walimuahidi mama huyo kuwa mtoto huyo angefufuka kwa kuwa hakufa kihalali.

Ilidaiwa upelelezi wa shauri hilo umeisha kamilika na kesi itaanza kusikilizwa Mei 17 mwaka huu.

Washtakiwa wako nje kwa dhamana.

THE DEATH OF OUR BELOVED FATHER JOHN IBRAHIM KADIGI

MR. MR. JOHN IBRAHIM KADIGI of Ngudu Mwanza/Morogoro, left his walk of life at the age of 84 on April 21, 2010 at SAIFEE Hospital in Mumbai India, where he went for medical treatment. He survived by his wife Ruth. Sons - Julius and Methuselah/Fimbo. Daughters - Mary, Stelah Mngodo, Eunice, Jane, Katherine, Hellen Mwaituka and Happy Holm. Grandchildren - Jeff, John, James, Jeremiah, Junior, Hellen and David. The family is still on arrangements for taking his body from India to Tanzania for burrial. He will be greatly missed by all his family and friends.

The memorial and fundraising service took place on Sunday April 25, 2010 at 2970 Lorna Rd, Birmingham AL 35216, at 3:00 - 5:00pm. Below are the numbers of what we have raised so far.

OUR GOAL IS TO RAISE $4,000

CHECKS COLLECTED $1,135
CASH COLLECTED $ 540
TOTALS $1,675

WE STILL NEED $2,325

Below are bank accounts information that you can use for sending your donation

BANK NAME: REGIONS BANK
ACCOUNT NO: 0106703879

BANK NAME: WACHOVIA / WELLS FARGO BANK
ACCOUNT NO: 8453467477

For the word of comforty please visit the family at 1106 Colonial Dr. Alabaster AL 35007 or call the Kadigis at (205) 664 - 1197
Job 1:21 "Naked I came from my mother's womb, and naked I will depart. The LORD gave and the LORD has taken away; may the name of the LORD be praised."

If you have any question or you need some more information please write to us at admin@themissionband.org or call

REV. FRED MWAITUKA - (205) 919 - 9978
REV. DEO LUBALA - (205) 477 - 1361
ISACK MAYALA (205) 267 - 2137 of Ngudu Mwanza/Morogoro, left his walk of life at the age of 84 on ApIGIril 21, 2010 at SAIFEE Hospital in Mumbai India, where he went for medical treatment. He survived by his wife Ruth. Sons - Julius and Methuselah/Fimbo. Daughters - Mary, Stelah Mngodo, Eunice, Jane, Katherine, Hellen Mwaituka and Happy Holm. Grandchildren - Jeff, John, James, Jeremiah, Junior, Hellen and David. The family is still on arrangements for taking his body from India to Tanzania for burrial. He will be greatly missed by all his family and friends.

The memorial and fundraising service took place on Sunday April 25, 2010 at 2970 Lorna Rd, Birmingham AL 35216, at 3:00 - 5:00pm. Below are the numbers of what we have raised so far.

OUR GOAL IS TO RAISE $4,000

CHECKS COLLECTED $1,135
CASH COLLECTED $ 540
TOTALS $1,675

WE STILL NEED $2,325

Below are bank accounts information that you can use for sending your donation

BANK NAME: REGIONS BANK
ACCOUNT NO: 0106703879

BANK NAME: WACHOVIA / WELLS FARGO BANK
ACCOUNT NO: 8453467477

For the word of comforty please visit the family at 1106 Colonial Dr. Alabaster AL 35007 or call the Kadigis at (205) 664 - 1197
Job 1:21 "Naked I came from my mother's womb, and naked I will depart. The LORD gave and the LORD has taken away; may the name of the LORD be praised."

If you have any question or you need some more information please write to us at admin@themissionband.org or call

REV. FRED MWAITUKA - (205) 919 - 9978
REV. DEO LUBALA - (205) 477 - 1361
ISACK MAYALA (205) 267 - 2137

SHEREHE ZA MUUNGANO ZILIVYOKUWA SEATTLE WASHINGTON

WADAU WAKISEREBUKA KAMA KAWA NDANI ZA SEHEREHE ZA MUUNGANO SEATTLE.HAPA KWANZIA MAVAZI,LUGHA,CHAKULA STORI YAANI NI TANZANIA TUUUUUU

WAALIMU KUCHAPWA BAKORA NA SUNGUSUNGU KISA KUCHELEWA KWENYE KIKAO

Chama cha walimu Tanzania kimesema kitaishtaki serikali kufuatia tukio la walimu wanne kuchacharazwa bakora mbele ya hadhara na sungusungu kwa kosa la kuchelewa kwenye kikao.
Chama cha walimu Tanzania, kimesema kuwa kimesikitishwa na tukio la kuwadhalilisha walimu kwa kuwacharaza bakora mbele ya hadhara.

Tukio hilo limetokea mkoani Shinyanga ambapo sungusungu waliwacharaza bakora walimu wanne akiwemo mwalimu mmoja mwanamke ambaye alikuwa ni mjamzito.

Walimu hao walicharazwa bakora kwa kosa la kuchelewa kwenye kikao cha walimu na wazazi.

Afisa mmoja wa umoja wa walimu mkoani Shinyanga alisema kuwa wamechoshwa na tabia za mamlaka za dola kuwacharaza bakora walimu na wanatarajia wahusika watafikishwa mahakamani.

Mwaka jana mkuu wa wilaya ya Bukoba, Albert Mnali alisimamishwa kazi baada ya kuwaamuru polisi wawachape bakora walimu 32 kutokana na matokeo mabaya ya mitihani ya darasa la saba.

Mkuu huyo wa wilaya aliamuru polisi mmoja kuwachapa viboko walimu katika shule tatu za msingi zilizo Bukoba, kutokana na wilaya hiyo kuwa ya mwisho katika matokeo ya darasa la saba.

MAITI ZA WATU KUUZWA KWENYE SUPERMAKET UJERUMANI

Yule daktari bingwa wa mifupa wa Ujerumani ambaye mwaka jana aliandaa maonyesho ya maiti zikifanya mapenzi, ameamua kufungua supermarket ambapo atauza vipande vya miili ya watu.
Baada ya kuandaa maonyesho mwaka jana akizionyesha maiti katika hali mbalimbali za kujamiiana, Dr. Gunther von Hagens wa nchini Ujerumani ameamua kuwauzia watu maiti za watu alizo nazo.

Hagens anafungua supermarket ya maiti za binadamu mjini Guben, Brandenburg, ambayo imepangwa kufunguliwa rasmi mei 28 mwaka huu.

Fuvu la binadamu likiwa limening'inizwa kwenye chuma litauzwa euro 1,200.

Hagens pia ana mpango wa kufungua tovuti ya duka hilo ili aweze pia kufanya mauzo online.

Hagens ambaye anajulikana zaidi kama "Dr Death" (Dokta Kifo), ni mtaalamu maarufu wa elimu ya mwili na viungo vya binadamu na wanyama (Anatomy).

Hagens anatumia njia aliyoigundua yeye mwenyewe inayojulikana kitaalamu kama "plastination" ambapo maiti hutolewa ngozi yote na kisha majimaji yote kwenye maiti kukaushwa.

Hagens hutumia plastiki zilizotengenezwa kwa madini ya silicon kuziweka maiti hizo katika maumbile mbali mbali kuonyesha maisha ya kila siku ya mwanadamu.

Hagens alisema kuwa maiti anazozitumia kwenye kazi zake ni za watu waliojitolea miili yao kwake kabla hawajafariki. Hagens aliongeza zaidi kuwa yeye mwenyewe ameishajitolea maiti yake itumike namna hiyo akishafariki.

Mwaka jana Hagens aliingia kwenye mzozo mkubwa wakati alipofungua maonyesho mjini Berlin akiyaweka maumbile ya maiti katika staili mbalimbali za kujamiiana.

Miaka miwili iliyopita Hagens alijaribu kufungua duka la kuuza vipande vya miili ya watu lakini alilazimika kuahirisha mpango wake kutokana na upinzani mkubwa toka kwa makanisa na watu mbalimbali.

Safari hii Hagens amesema ameweka nia ya kweli ya kufungua supermarket hiyo ya maiti za binadamu na amesema hatauahirisha mpango wake kwa sababu yoyote ile.

RAIS WA AFRIKA KUSINI JACOB ZUMA APIMA UKIMWI NA KUWEKA MAJIBU WAPI

Rais wa Afrika Kusini, Jacob Zuma ambaye mwaka 2006 alifanya mapenzi na mwanamke mwenye ukimwi bila ya kutumia kinga na kuzusha uvumi kuwa na yeye ni muathirika, amepima ukimwi na kuweka majibu yake hadharani.
Rais Zuma amewathibitishia watu kuwe yupo fiti na wala hajaathirika kutokana na vipimo vya HIV alivyofanya mwezi huu ambavyo majibu yake yamewekwa hadharani wananchi wayaone.

"Baada ya kuliangalia suala hili kwa umakini nimeamua kuweka wazi majibu yangu ya vipimo vya HIV .. ili kusisitiza uwazi miongoni mwa watu", alisema Zuma.

Rais Zuma alipima 'Ngoma' aprili nne mwaka huu na majibu yalikuwa ni NEGATIVE. Alisema kuwa kabla ya hapo alishafanya vipimo mara tatu na majibu yalikuwa pia NEGATIVE.

Rais Zuma alifanya vipimo hivyo katika kuiunga mkono kampeni ya kuwahimiza watu wapime ukimwi na wazitambulishe hali zao kama wameathirika.

Kampeni hiyo ina malengo ya kuwapima 'ngoma' jumla ya watu milioni 15 ifikapo mwishoni mwa mwezi juni mwakani.

Mwaka 2006, Rais Zuma alifikishwa mahakamani kwa tuhuma za kumbaka mwanamke mwenye ukimwi.

Hata hivyo rais Zuma alikanusha kumbaka mwanamke huyo na kusema kuwa alifanya mapenzi na mwanamke huyo kwa hiari yake mwenyewe.

Rais Zuma alikiri pia wakati huo kuwa alifanya mapenzi na mwanamke huyo bila kutumia kinga ingawa alikuwa akijua fika kuwa mwanamke huyo ni muathirika.

Rais Zuma alisema kuwa siku zote hutumia kondomu lakini siku hiyo alikuwa hana kondomu na mwanamke huyo ndiye aliyeanza uchokozi uliopandisha mashetani yake ya ngono.

Kipindi hicho, Rais Zuma aliamsha hasira za wanaharakati wa kupambana na maambukizi ya ukimwi alipoiambia mahakama kuwa alienda kuoga punde baada ya kumaliza kufanya mapenzi na mwanamke aliyeathirika ili kujiepusha na maambukizi ya gonjwa hilo.

DENI LA TANZANIA LAZIDI KUONGEZEKA

DENI la Taifa limeongezeka maradufu na kufikia shilingi trillion 7.6

Hayo yaliwekwa wazi na katika ripoti ya Mdhibiti na Mkaguzi Mkuu wa Hesabu za Serikali (CAG) Ludovick Otouh, alipokuwa akiwajulisha waandishi wahabari.

Amesema deni la taifa limeongezeka kwa kasi kutoka kiasi cha sh trilioni 6.4 mwaka 2007/08 hadi kufikia shilingi trilioni 7.6 katikka mwaka wa fedha wa 2008/09
.
Amesema kuwa deni hilo limeongezeka kwa tofauti ya shilingi trillion 1.1 kutoka lile la mwaka wa fedha wa jana.

Amesema kutokana na hali hiyo, kuna umuhumu wa serikali kusimamia vizuri makusanyo na matumizi ya fedha zake.

Amesema deni hilo limeongezeka hivyo kutokana na serikali kujiingiza katika bajeti kubwa kuliko uwezo wenyewe.

Vilevile amesema serikali imeshindwa kudhibiti matumizi ya juu, kutokuwa makini na mikataba mbalimbali, pamoja na kuzamini mambo mbalimbali kinyume na uwezo halisi.


Hivyo amesema katika taarifa zilizowasilishwa na maofisa masuuli, zilieleza bayana kuwa wizara, idara, walaka na sekretarieti za mikoa hazikuzingatia kikamilifu sheria ya manunuzi ya umma namba 21 ya mwaka 2004 na kanuni zake za mwaka 2005 ambapo jumla ya sh bilioni 12.8 zilionyesha kasoro mbalimbali za ukiukwaji wa taratibu za manunuzi.

Pia alisema katik ukusanyaji wa mapato matokeo ya ukaguzi kwa Mamlaka ya Mapato Tanzania (TRA), unaonyesha kuwa misamaha mingi iliyotolewa kwa taasisi mbalimbali na watu binafsi yenye thamani ya sh bilioni 752.3 imerudisha nyuma mapato ya serikali.

MSICHANA ABAKWA NA BOSS WAKE

MSICHANA mmoja jina lake halitaweza kuchapishwa kwa leo amebakwa na mwajiri wake usiku wa kuamkia leo
Msichana huyo alifanyawa unyama huo usiku wa kuamikia leo, huko maeneo ya Mbezi anapofanyia kazi yake hiyo aliyodumu nayo kwa muda wa mwaka mmjoa na nusu sasa.

Msichana huyo alionekana akilia na mwandishi wa habari hii huko Kimara, majira ya saa kumi na mbili asubuhi, alipokuja kuomba ushauri kwa ndugu yake wa kutoka kijiji kimoja huko Iringa.

Ndugu yake huyo ambaye ni jirani na mwandishi wa habari hii alidai mdogo wake huyo aliweza kulazimishwa afanye mapenzi na bosi wake huyo ambaye ni mwajiriwa wa Mamlaka ya Mapato Tanzania na alifanikiwa kumbaka pasipo hiari yake

Alidai msichana huyo kuwa mwajiri wake huyo alimwingilia chumbani majira ya sa saba usiku, na kumtaka afanye nae mapenzi na alishindwa kutoroka kwa kuwa alimzidi nguvu kwa hali ya kuwa yeye ni mwanaume.

Alidai aliweza kuingia katika chumba hicho kwa kuwa chumba hicho hakikumaliza mlango kwani walihamia hivi karibuni bila nyumba hiyo kumalizika ipasavyo.

Alidai mara baada ya kuingia chumbani humo alimuamsha msichana huyo na kushangaa kulikuwa na tatizo gani punde alimuamuru afanya matendo anayoyahitaji na kukataa huku akilia na baba huyo kumuahidi kuwa pindi atakapokubali atamsomesha na kumuhamisha hapo nyumbani.

Mbali na ahadi hiyo binti huyo aliendaelea kugoma huku akilia na kumkatalia ndipo baba huyo alimlazimisha na kumbaka.

Alidai kuwa baba huyo alifanikiwa kumbaka kwa kuwa mke wake alisafiri kwenda kwao mkoani Mbeya kwa mama yake alikwenda huko kwa kuwa alikwenda kujifungua kwao ili akapate uangalizi wa karibu.

Alidai mke wake alisafiri mwanzoni mwa mwezi huu na alimuacha mdogo wake wa waishi nae na kwa jana mdogo wake huyo hakurudi nyumbani na ndiyo baba huyo alitumia fursa hiyo kufanikisha adhama yake.

Hata hivyo kwa maelezo ya haraka haraka alimwambia dada yake huyo anaogopa kurudi tena na atarudi endapo bosi wake kike atakaporudi kwa kuwa aliihitaji kazi yake kwani ndiyo ilikuwa ikimsaidia kujikimu matatizo yake madogomadogo.

JESHI LA POLISI LACHAPISHA KITABU CHA MUONGONZO KWA WAPIGA KURA

JESHI la Polisi Nchini, limetoa kitabu maalum kinachofafanua na kumuongoza mwananchi mchakato mzima wa uchaguzi kwa lengo la kuwezesha uchaguzi, huo kufanyika kwa utulivu na amani.

Akizungumza na waandishi wa habari jijini Dar es Salaam , Mkuu wa Jeshi la Polisi, Said Mwema alisema kitabu cha Haki na wajibu wa Mpigakura, kimebeba ujumbe mzito unaohusu kipindi hiki cha kuelekea katika uchaguzi mkuu wa Oktoba mwaka huu.


Mwema alisema ni haki ya kila Mtanzania aliyetimiza vigezo wa kupiga kura kitabu hicho kitamuongoza katika kuhakikisha kuwa sheria za nchi hazikiukwi kabla na baada ya uchaguzi

Alisema kitabu hicho kinalenga kuufanya uchaguzi huo uwe wa haki katika kuchagua viongozi na kutekeleza wajibu wa usalama, amani na utulivu vinadumu katika jamii.

Alisema kitabu hicho kinaelezea umuhimu wa kujiandikisha kupiga kura, uteuzi wa wagombea katika vyama vya siasa, kampeni za wagombea na vyama vyao na matangazo yatakayowekwa na vyama vya siasa na wagombea.

Mambo mengine ni wajibu na umuhimu wa polisi katika mchakato wa uchaguzi, haki na wajibu wa mpigakura, siku ya uchaguzi, jinsi ya kupiga kura, kusubiri matokeo, kupokea matokeo na uvunjaji wa sheria wakati wa uchaguzi.


Pia alisema “askari polisi watakaovujisha siri za taarifa mbalimbali zinazohusu mitaa katika uchaguzi watachukuliwa hatua kali, pia na mwananchi yeyote atakayehatarisha hatari ama kugundulika kuvunja amani sheria itafata mkondo wake” alisema.

APIGIWA KURA YA U MEAYA WAKATI WAMESHA FARIKI

Wapiga kura nchini Marekani wamemchagua mtu aliyefariki awe meya wao mpya.
Carl Geary alifariki mwezi mmoja uliopita kutokana na shambulio la moyo wakati akipiga kampeni za kuwania umeya wa mji mdogo wa Tracy City, Tennessee nchini Marekani.

Lakini pamoja na kwamba watu wengi walikuwa wakijua kuwa ameishafariki, marehemu Carl alishinda uchaguzi kwa kupata kura nyingi sana mara tatu zaidi ya mpinzani wake.

Mjane wa marehemu Bi Susan Geary alisema kuwa matokeo ya uchaguzi hayamjashangaza kwani aliyatarajia.

"Siku aliyofariki watu walikuwa wakinipigia simu kutoa salamu za rambirambi wakisema kuwa watampigia kura kwenye uchaguzi".

Carl aliyefariki akiwa na umri wa miaka 55, alijulikana sana kwa misimamo yake thabiti ya kisiasa.

Pamoja na kwamba alishazikwa wiki kadhaa zilizopita, Carl alishinda uchaguzi kwa kupata kura 285 huku mpinzani wake akiambulia kura 85.

Mmoja wa wafanyabiashara katika mji huo alisema kuwa watu waliamua kumpigia kura Carl ili kuonyesha upinzani wao kwa meya aliyopo madarakani Bi. Barbara Brock.

"Nilikuwa nikijua kuwa ameishafariki, najua watu wataona kama ni upuuzi lakini tulitaka tupate meya mwingine sio huyu aliyepo", alisema Chris Rogers, mmiliki wa mgahawa mmoja uliopo mjini humo.

"Kama uchaguzi utarudiwa tena wiki ijayo nitampa kura yangu tena marehemu".

Maafisa wa mji huo wamesema kuwa manispaa itafanya kikao kuamua nani awe meya.

UREMBO WASABABISHA KIFO SIKU YA KUZALIWA KWAKE

Mwanamke wa nchini Uingereza aliyesherehekea kutimiza umri wa miaka 34 kwa kutoboa ulimi wake kuweka kichuma amefariki siku mbili baadae kutokana na sumu iliyotokana na kichuma hicho.
Amanda Taylor alipuuza kauli za familia yake kumpinga kuweka kichuma cha inchi moja kwenye ulimi wake na aliamua kuutoboa ulimi wake kuweka kichuma hicho ili kusherehekea kutimiza umri wa miaka 34.

"Kwa muda mrefu alifikiria kuutoboa ulimi wake kuweka kichuma", alisema mama yake Lorraine Taylor mwenye umri wa miaka 61.

"Siku nne kabla ya siku yake ya kuzaliwa aliniambia kuwa anataka kuweka kichuma kwenye ulimi wake siku ya kuzaliwa kwake", aliendelea kusema mama yake.

"Nilimpinga na kumuonya asifanye hivyo lakini alisema kuwa marafiki zake wote wameishaweka vichuma kwenye ndimi zao".

Kwa shingo upande mama yake alimpa ruhusa Amanda kutoboa ulimi wake lakini siku mbili baadae Amanda alikutwa nyumbani kwake akiwa amefariki.

Uchunguzi wa awali ulionyesha kuwa alifariki kutokana na damu yake kuingia sumu iliyotokana na kichuma alichowekewa kwenye ulimi wake.

Uchunguzi zaidi kuhusiana na kifo chake unaendelea.

VIDEO YA MUAFRICA TOKA TOGO ATENGENEZA ROBOT

Kusema ukweli waafrika Mungu katujalia akili nyingi sana lakini hali zetu duni za kiuchumi ndizo siku zote zinazoturudisha nyuma siku zote.
Angalia video ya mwanafunzi huyu wa nchini Togo ambaye kwa kutumia vifaa toka kwenye televisheni mbovu ameweza kutengeneza robot kama yale ambayo makampuni ya nchini Japan yamekuwa yakifanya utafiti kuyaboresha.

Sam Todo ambaye ni mwanafunzi wa nchini Togo alitumia vifaa toka kwenye televisheni mbovu na vifaa vingine vya umeme kuweza kutengeneza robot ambalo linaweza kutembea na kupunga mikono kwa kutumia remote control.


Bila shaka kijana kama huyu kama angeweza kupata vifaa vya kisasa au angepata mfadhili wa kukuza kipaji chake angeweza kufanya mambo makubwa kuliko haya.

Angalia video yake chini.


VIDEO - Waafrika Tupo Fiti Sana Basi tu..

SKENDO YA NGONO NDANI YA TIMU YA TAIFA UFARANSA

Skendo kubwa la ngono limeikumba timu ya taifa ya soka ya Ufaransa ambapo baadhi ya nyota wa timu hiyo ya taifa wanadaiwa kufanya mapenzi na machangudoa wenye umri mdogo.
Baadhi ya wachezaji wa timu ya taifa ya soka ya Ufaransa wamehusishwa kwenye skendo la kufanya mapenzi na makahaba wenye umri chini ya miaka 18.

Mchezaji nyota wa Ufaransa, Franck Riberry na Sidney Govou ni wachezaji wawili waliotajwa ambao tayari wameishahojiwa na polisi kuhusiana na skendo hilo.

Riberry anayeichezea Bayern Munich ya Ujerumani ana mke lakini naye amenaswa katika skendo hilo akidaiwa kufanya mapenzi na msichana kahaba mwenye umri chini ya miaka 18.

Taarifa zilisema kuwa wachezaji wa timu ya taifa ya Ufaransa "Les Bleus" walikuwa wakienda sana kwenye klabu moja ya starehe ya jijini Paris ambapo walikuwa wakiandaliwa makahaba wenye umri chini ya miaka 18. Mmoja wa makahaba hao inadaiwa alikuwa na umri wa miaka 14.

Wachezaji wengine nyota wa Ufaransa nao wamehusishwa na skendo hilo lakini majina yao yamewekwa kapuni.

Mmoja wa wachezaji hao alikiri kufanya mapenzi na msichana mwenye umri mdogo lakini alijitetea kuwa wakati huo alikuwa akiamini kuwa mwanamke aliyeletewa ni mtu mzima.

Kuwadi "Pimp" anayedaiwa kuwaandalia wachezaji machangudoa hao ametiwa mbaroni na baadhi ya wasichana hao wanaendelea kuhojiwa na polisi.

Skendo hilo limekuja ikiwa ni miezi miwili tu kabla ya Ufaransa kuja barani Afrika kwaajili ya fainali za kombe la dunia.

BINGWA WA ZAMANI WA NDONDI AJINYONGA

Bingwa wa zamani wa dunia wa ndondi za uzito mwepesi za mashirikisho ya ndondi ya WBC na WBA, Edwin Valero amejinyonga kwa kutumia nguo zake ikiwa ni masaa 48 baada ya kutupwa mahabusu kwa tuhuma za kumuua mke wake.
Edwin Valero, raia wa Venezuela ambaye alikuwa bingwa wa dunia wa mashirikisho ya WBA na WBA katika uzito mwepesi, amejinyonga mwenyewe kwa kutumia nguo zake ndani ya selo ya polisi alipokuwa akishikiliwa kwa tuhuma za kumuua mkewe kwa kumchomachoma na kisu.

Polisi walimtia mbaroni Valero siku ya jumapili baada ya kuukuta mwili wa mkewe Jennifer, 24, kwenye chumba cha hoteli moja mjini Valencia, Venezuela.

Valero alikuwa akitambulika kama shujaa wa Venezuela kutokana na rekodi yake nzuri kwenye ndondi. Alishinda mapambano yake yote 27 ya kimataifa kwa knockout.

Taarifa zinasema kuwa Valero mwenye umri wa miaka 28, aliondoka hotelini hapo majira ya alfajiri ya siku ya jumapili akiwaambia walinzi wa hoteli kuwa amemuua mke wake aliyezaa naye watoto wawili.

Valero inaripotiwa kuwa alikuwa na makosa kadhaa ya uvunjaji wa sheria. Alipigwa marufuku kuendesha gari nchini Marekani na mwezi uliopita alishtakiwa kwa kumshambulia mkewe na kisha kuwatishia maisha madaktari waliokuwa wakimpatia tiba mkewe.

OSAMA BIN LADEN ATISHIA USALAMA KOMBE LA DUNIA

Kundi la Al-Qaeda linaloongozwa na Osama Bin Laden limetishia usalama kwenye kombe la dunia nchini Afrika kwa kuahidi kufanya shambulizi la kigaidi litakaloua mamia ya watu wakati wa mechi kati ya Marekani na Uingereza.
Kundi la Al-Qaeda limetishia kuwaua mamia ya watu watakaohudhuria mechi kati ya Marekani na Uingereza kwenye kombe la dunia nchini Afrika Kusini mwezi juni mwaka huu.

Kundi linalojiita Al-Qaeda in the Islamic Maghreb, limetoa taarifa kwenye website likisema kuwa watu wa kujitoa mhanga wakiwa na mabomu ambayo si rahisi kugundulika kwenye mitambo ya ulinzi, wako tayari kujilipua kwenye mechi kati ya Uingereza na Marekani kwenye uwanja wa Rustenburg juni 12 mwaka huu.

Kundi hilo liliweka taarifa hiyo kwenye tovuti inayoitwa "Mushtaqun Lel Jannah" (Njia ya kuelekea peponi).

"Al-Qaeda watakuwepo kwenye mechi za kombe la dunia", ilisema taarifa hiyo ya Al-Qaeda.

"Litakuwa ni jambo la kufurahisha sana wakati wa mechi kati ya Marekani na Uingereza ikirushwa live kwenye luninga wakati sauti ya mlipuko itakaposikika kwenye majukwaa na kuugeuza uwanja mzima juu chini", iliendelea kusema taarifa hiyo ya Al-Qaeda.

Uingereza na Marekani zipo kwenye kundi moja la C pamoja na Algeria na watapimana ubavu juni 12 kwenye uwanja wa King Bafokeng mjini Rustenburg unaochukua watazamaji 44,500.

Maafisa wa Marekani wamesema kuwa vitisho hivyo vya Al-Qaeda vinachukuliwa kwa uangalifu mkubwa katika kuhakikisha usalama kwenye fainali hizo za kombe la dunia zitakazochukua mwezi mmoja.

Maafisa wa usalama wa Uingereza wamekataa kusema chochote.

Mwezi oktoba mwaka jana, maafisa wa usalama wa Afrika Kusini walisema kuwa wamefanikiwa kulizima jaribio la shambulizi la kigaidi lililokuwa limepangwa lifanyike wakati wa fainali hizo.

Iliripotiwa kuwa maafisa wa Afrika Kusini kwa kushirikiana na maafisa wa Marekani walifanikiwa kuwatia mbaroni watu wanaodaiwa kuwa ni wanachama wa Al-Qaeda nchini Somalia na Msumbiji ambao walikuwa wakijiandaa kufanya shambulizi wakati wa fainali za kombe la dunia.

Serikali ya Afrika Kusini imetangaza kuwa jumla ya polisi 44,000 watalinda usalama kwenye fainali hizo.